Bombay, K’Lyngkot 28: U Symbud Myntri Rangbah ka Maharashtra bad Nongialam ka Nationalist Congress Party (NCP) Ajit Pawar u la khlad noh ha ka step sngi Balang hadien ba ka liengsuin ba u shong, ka la hap ha ka por b aka dang pyrshang ban hiar kyrkieh ne ka emergency landing hajan Baramati, Pune district.
Katei ka liengsuin, kaba dei ka Learjet 45, ka la hiar ha ka por kumba 8:45–9:00 mynstep, katba ka dang hiar kyrkieh ha Baramati Airport. La iohi ia ka tdem kaba rben, ka ding bad ki jingtwa ha ka jaka ba la hap katba ki kynhun emergency ki dang leit sha katei ka jaka.
Katkum ka khubor, la iathuh ba ki don 5 haduh 6 ngut ki briew kiba don ha katei ka liengsuin, ba kynthup ia u Pawar, ki bor pahara jong u bad ki nongtrei jong ka liengsuin. La iathuh ba baroh kiba don ha ka liengsuin, ki la khlad noh ha katei ka jingjia aksiden, ha kaba ym shym la don mano mano ba lait im, la iathuh ki bor pyniaid liengsuin.
U Pawar, uba don 66 snem ka rta, u dang mih na Mumbai, ban leit sha jingialang, ha Baramati, ka shnong trai jongu, ban ïashim bynta ha ki jingïalang saiñpyrthei, kiba la buh por ha shwa ka elekshon Zilla Parishad.
Kane ka jingjia ka la wanrah ia ka jingsngewsih kaba jur na ki nongïalam saiñ pyrthei ha kylleng ka ri, ha kaba ki jingai burom ki la tuid na ki paralok bad ki nongïaleh pyrshah kumjuh.Ka jingtohkit halor ka daw jong ka jinghap liengsuiñ ka dang ïaid shakhmat bad ki bor synshar ki la khang pyrshah ïa katei ka jaka katba ki riew shemphang ha ka liang ka jingshngaiñ ha ka liengsuiñ ki dang sdang ïa ka jingtohkit jong ki.
Halor kane ka jingjia, ki dang ap ia ki jingtip ba bniah shuh shuh ha kane ka bynta.
 Ajit Pawar u la khlad noh ha ka step sngi Balang hadien ba ka liengsuin ba u shong, ka la hap ha ka por b aka dang pyrshang ban hiar kyrkieh ne ka emergency landing hajan Baramati, Pune district.){kind=link}