Shillong, Nohprah 01 : Arngut ki Khynnah kiba dang hapoh 12 snem ka rta, kila iap ngam jyllop ha kawei ka wahduid kaba la tip kum ka Kdong Umkhangrah kaba don marjan ka Resort Haven’s Cove ha Treriat, Jowai.
Kat kum ka khubor Pulit la iathuh ba kine ki khynnah kila leit bad 5-6 ngut ki paralok sha kane ka wahduid ban iajngi hynrei napdeng kine, arngut kila ngam jyllop bad arngut pat la ioh ban pyllait im da ki nongtrei ka Haven’s Cove.
Kine ki arngut kila iap jyllop ki kyrteng u Mebankynsai Suchiang ba 12 snem bad u Pyndapbiangmi Ryngkhlem ba 9 snem.
Marsyn ioh jingtip ia kane ka jingjia, ki Pulit ka Jowai Police Station kila her wut wut sha kane ka jaka ban tohkit bad kila pynkit noh ia ka metiap jong kine ki heprit sha Hospital ban pyndep ia ka post mortem.
Ki Pulit ki pyntip ba kine ki heprit ki dei kiba na ka shnong Mookyrdup kaba don ha sor Jowai.
Pule lang ia kane: Ban pynduna ia ka jingdheng kali yn tei ka Sorkar da ki Parking Lot
Peit lang ia kane
