Nongpoh, Jymmang 27: U wei u samla na Assam, u la iap na ka jingngam jyllop hapoh ka wah Umtrew kaba don ha ka thain Byrnihat Ri Bhoi District.
Kane ka jingjia kala jia hynnin ka sngi U Blei por 5 baje janmiet bad la pyntip ba une u samla ula leit jngi ha kane ka wah, kaba poi sha u pud ka jingiap.
Une u samla u kyrteng u Ranjit Das uba dei na Japorogog Assam. La iathuh ba une u samla ia leitkai bad la ki paralok sha Wah Umtrew, kaba ju khrong ia ki nong Assam ban leit shongkai ne iajngi ha kane ka wah.
Hynrei la iathuh ba katba kine ki shiparalok ki dang iajngi, ka um kala kiew kynsan bad baroh kine kiba iajngi kila iamih na um ban kiew sha ryngkew hynrei une u samla u khlem poi shuh sha ryngkew bad shah rong ha ka um.
Ki Pulit ka Byrnihat haba ioh jingtip ia kane, kila khot mardor ia ka kynhun Special Rescue Team ban leit wad ia une u samla.
Ia ka met jong une u samla la ioh ban tam hynne ka step por 11 baje eiei na kane ka rah bad la pynkit noh ia ka sha Civil Hospital Nongpoh ban pyndep ia ka post mortem.
