Nongpoh, Nailar 13 : Kawei ka Samla ba 21 snem kala iap jyllop hynne ka step hapoh ka Wah Umtrew hajan ka Panitola Power House, Byrnihat.
Kane ka sama ka kyrteng ka Pooja Sarkar bad kala wan sha katei ka wah ha ryngkat ki paralok ban iabam khana. La iathuh ba kane ka samla kala leit sum ha kane ka wah hynrei kala syntuid bad hap sha ka jaka ba jylliew.
Ki Pulit ki iathuh ba ki paralok kiba pyrshang ban leit iarap ia ka hynrei kane ka samla kala shu jah kynsan bad ym shym la lap dien shuh.
Ki ong ba mar kumta kine ki paralok kila pan jingiarap bad la pyntip mar mar sha ki Pulit, kiba la wan ialam ia ka kynhun na ka Fire & Emergency Service ban ngam ha kane ka wah bad hadien shiteng kynta, kila ioh ban sei ia ka met.
Pule lang ia kane: Khynniuh u jumai ba 3.7 Magnitude ha Meghalaya
Peit lang ia kane
