Shillong, Lber 01: Uwei u rangbah ula khlad hashen hadien ba ula shah iuh haka trok kaba la jia ha Mawlai Lad-Iewrynghep haka por kumba 1:30 Nohphaisngi.
Katkum ka jingbatai na ki briew kiba shong dukan ha kane ka jaka, la iathuh ba kane ka jingjia ba sngewih kala jia ha ka por ba une u rangbah u dang thmu ban jam na shilliang sha shilliang jong kane ka surok bah.
La iathuh ba une u rangbah u bym pat ithuh kyrteng ula kyllon shadien haka por ba u thmu ban kiew shaka lynti iaid kjat bad ha kane ka por kawei ka trok kala ioh iuh ia u.
Haba iadei bad kane ki bor Pulit ki la ïoh ban bat noh ïa kane ka trok naka bynta ban pynlong ka jingtohkit.
