-->

Iap hashen u rangbah ba shah bat ding ilektrik ha Umshaken

Date:

Share post:

Nongpoh, Naitung 26: Uwei u rangbah briew uba la don kumba 40 snem ei ei ka rta, hynne ka sngi Balang, u la duh noh ia la ka jingim hadien ka jingshah bat kynsan haka bording ilektrik na ka jingdkut jong u sainar bording ha ka surok ban leit na Umden sha Umshaken ha Ri Bhoi District.

Kane ka jingjia ka la jia ha ka por kumba 2 baje noh phai sngi, ha kaba ka don ka jingther u lapbah bad uwei u sainar ilektrik u la dkut noh ha surok bad utei u rangbah uba wan da ka motorbike u la tyngkhuh ia utei u sainar khem da iohi bad u la shah bat syndon ha ka bording ilektrik haduh ba u la duh syndon ia la ka jingim.

Kumba la ioh lum jingtip, la ong ba ha kane ka jingjia,ka met utei u rangbah ka la ingkhong khaid bad u la kyllon syndon ha madan na ka daw ka jingtrei borbah ka bordig ilektrik haduh ba u la duh syndon ia la ka jingim.

Une Rangbah uba la ngat ha katei ka apot shah bat ha ka bording ilektrik la tip kyteng kum u Bah Nevershon Nongkseh bala 40 snem ei ei.

Haba wad jingtip na u heh Pulit ka Ri Bhoi, u Giri Prasad, u la ong ba ka la don shisha kane ka jingjia kaba u rangbah u la shah bat ha ka bording ilektrik bad la phah ia ki bor pulit ban leit tohkit halor kane ka jingjia.

U pyntip ba ia ka met jong une u rangbah la wan kit noh sha Civil Hospitla Nongpoh ban pyndep ia ka post mortem.

Share post:

-->
spot_img

Popular

More like this
Related

Aiti ka KSU ia ki sakhi video ba lum pisa beain ki Pulit | Shimpor 45 sngi ban tohkit ba dei ki Pulit

Shillong, Naiwieng 16 : Ka Khasi Students ‘ Union...

Ropeway has nothing to do with Lum Shyllong, will protect its sanctity: Tourism Minister

Govt with 51 MLAs can't be called useless: Lyngdoh...

Lashai yn bishar u Magistor halor ka jingkynnoh lum pisa beain ki Pulit ha surok NH-Diengpasoh

Shillong, Naiwieng 15: U Majistor ka East Khasi Hills...

Kyrpad ka Sorkar Jylla ia ka JPC ban pynjem ia ki kyndon ka FCRA ba ktah ia ki kynhun Khristan : Tynsong

Shillong, Naiwieng 15 : Ka Sorkar Jylla kala kyrpad...