Guwahati, Nailur 17 : Kawei ka samla ba 23 snem ka rta na Jylla Meghalaya, kala iap hashen na jinghap nalor kawei ka iingbun mala ha ka thain Bamunimaidan, Guwahati ha ka sngi Saitjain.
Kat kum ka khubor, kane ka jingjia kala jia ha ka Subansiri Apartment kaba don marjan ka Government Press ha Bamunimaidan. Kala hap nalor ka mala ba hynriew.
Ia kane ka samla la tip kyrteng ka Tangsi K Sangma, kaba dei ka nongshongshnong ka Lejadubi, West Khasi Hills.
Ki Pulit kila lap ruh ia ka mobile phone, ka bek pisa bad ka slipar na kane ka jaka b aka hap.
Kat kum ka jingiathuh ki trai Shnong, ki shijur kiba iasah ha kane ka flat, kila phet nala ring mar syn dep jia kane ka jingjia.
Haduh ba thoh ia ka khubor, ym shym la lah satia ban tip ia ki daw ha lyndet kane ka jingjia. Ka jingtohkit jong ki Pulit kala iaid shakhmat ban pynthikna la ka dei ka jingjia ryngkhat, ka jingshah khynniat ne ka jingdkhat jubor iala ka jingim.
