Shillong, Naiwieng 20 : Arngut kinongbylla kila iap katba lai ngut ki para nongbylla, kila lait im da ka said ha ka jingtwa khyndew kaba jia hynne ka step sngi Palei hajan ka Bokmagre Petrol Pump ha Tura.
Ka kynhun na ka SDRF, ka DDMA bad ki Pulit ki dang ialeh ban pynkhuid ia ka khyndew ban lap ia une u nongbylla ba dang jah, ia kaba, ym pat lah ban tip aiu bala jia ia u, la u dang im ne em.
Kat kum ka khubor, ki don 5 ngut ki nongbylla ba trei ha kane ka jaka ha ka por ba twa ka khyndew jong ka kynroh. Ia uwei u nongbylla la pynkit mar mar sha hospital hashuwa ban poi ka kynhun ai jingiarap hynrei une u briew ula iap noh namar ka jingmynsaw jur.
Sa uwei pat u nongbylla u dang shah tep hapoh ka khyndew bad ia une ruh la pynthikna ba ula iap.
Ia ka khubor ba bniah yn sa ai kham hadien.
