Tura, Nailur 1: Phra ngut ki briew kila iap na ka jinglynshop ka jingpang khieshoh rih ha ki arbnai bala leit noh ha South Garo Hills, kaba la mad biang ia kane ka jingpang hadien bun bun snem.
Ki Heh ka Tnad ka Koit ka Khiah ki ong ba kane ka jingjia kala jia ha u bnai Naitung bad Nailar.
“Ngi la pynthikna ia 5 ngut kiba iap bad 3 ngut kiba suba iap na ka khieshoh rih hadien ba sngap ia ki dak jingpang bala iathuh da kine ki briew shuwa ba kin iap” ong ki Heh ka Tnad.
Kine ki briew ba iap ki kynthup ia iwei I khynnah 10 snem ba iap ha u bnai Naitung bad iwei ba 4 snem ba iap ha u Nailar.
Ka jingpang khieshoh rih ka dei kaba ju lynshop bha ha ki jaka par dewiong ka Nangalbibra, Siju bad Silkigre kiba hap hapoh u pud u sam ka Chokpot sub-division.
“Naduh mynshuwa hi, ka South Garo Hills ka dei kaba jur bha ka jingpang khieshoh rih. Ki ju don da ki phew hajar ki nongpang manla u snem. Hynrei hapoh u snem 2017, ka jingdon ki nongpang kala hiar shaka 200 ngut namar ka jingshim ia ki sienjam kiba pyrrkhing ban tehlakam ia ka jingpang” ong ki doktor.
Ha u snem bala lah, ki don tang 280 ngut ki briew ba ioh ia ka jingpang khieshoh naduh u bnai Kyllalyngkot haduh u bnai Naitung.
Pule ruh: Dawa ka KHNAM ia ka KHADC ban pan jingshai na ki MLA ka BJP ba thung Rangbah Shnong ia ki bar jylla
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
