Shillong, Risaw 04 : Saw ngut ki Khynnah kila iap hadien ka jingshah rat ha kawei ka trok dumper ba kit maw ha ka janmiet sngi Thohdieng ha Thadrang, Ri-Bhoi District.
Kane ka jingjia kala jia ha ka por 6 baje janmiet bad kane ka trok dumper No. MLO5 -AC- 8447, ka dei kaba wan na ka thain Jowai sha Ri-Bhoi. Kane ka trok kala rat ia kine ki Khynnah katba ki dang iaid narud surok bad ki briew ba sakhi ki iathuh ba u nongniah ula pynher sted bha ia ka kali haduh ba um lah tehlakam, kaba lam sha kane ka jingjia.
Napdeng kine ki Khynnah ba iap, lai ngut ki dei ki dei ki Khynnah kynthei ba 19, 13 bad 11 Snem kiba la iap hashen. Iwei pat i Khynnah ba 13 Snem ila mynsaw jur bad ila khlad hynne ka step ha hospital.
Ki Pulit kila kem ia u nongniah bad kurup ia ka trok. Ia kane ka trok la rah sha Mawlasnai Police Outpost na ka bynta ka jingtohkit
