Nongpoh, Lber 31: Arngut ki Samla kiba dei na West Jaintia Hills District, kila iap hashen na ka jingaksiden ka thuk thuk ba ki iashong hapoh ka surok Shillong Bypass ha ka shnong Umroi Madan. Kane ka jingjia kala jia ha ka por 3:30 baje janmiet,ong ki Pulit.
Ki Pulit ki iathuh ba kine kiba iap ki dei u samla ba kyrteng u Khrawbor Pakma ba na Mynso, uba niah ia ka scooty ML05-AB-5721 bad u nongbud uba kyrteng u Davud Sajem ba na Ioksi.
Ki Pulit ki iathuh ba kine ki samla ki dang don ha lynti ban leit shaphang ka thain Umiam hynrei haba poi ha Umroi Madan, kila knieh ban tam shakhmat ia ki kali ba iaid hakhmat bad ha kane ka jingpyrshang jong ki ban ioh tam, kila leit tynrah ia kawei ka kali Hyundai Eon ML05-K-2600 kaba dei na Nongkseh, Upper Shillong, kaba dang hiar sha Guwahati.
La iathuh ba kane ka scooty kine ki samla kala ioh rat ia ka bumper ba shakhmat jong kane ka kali Hyundai bad kane ka scooty kala padai ia baroh arngut ki samla shapoh ka khrum taiar jong kawei ka trok ML-11-8622 kaba niah da uwei u rangbah ba na Shangpung, East Jaintia Hills.
La iathuh ba kane ka trok kala ioh iuh ia kine ki arngut ki samla na ki bynta jong ka khlieh bad kila iap hashen. Ia ka met la pynkut noh sha Nongpoh Civil Hospital ban pyndep ia ka post mortem.
