spot_img

Iap 2, mynsaw 11 ngut na ka jingkylla khongpong ka kali kaba leit piknik ha Karimganj, Assam

Date:

Share post:

Karimganj, K’lyngkot 09 :Arngut ki nongleit shangkai piknik kila duh ei la ka jingim katba 11 ngut kiwei pat ki la ngat ha ki jingmynsaw na ka jingkylla kali hapoh Karimganj district ka Assam, ong ka khubor heh pulit hynnin ka sngi U Blei.

Kumta u heh pulit la ong ba ka kali kaba kit ia kine ki nongleit shangkai piknik kala kylla khongpong sha ka jaka ba long riat ha ka thain Ratabari ha ka janmiet sngi Saitjain ba la lah.

Katkum ka khubor la iathuh ba ka kynhun jong ki khynnah samla kila pynlong ka jingleit shangkai sngewbha sha ki bynta ba marjan ha Hailakandi hadien ba kane ka kali kaba ki shong kala kylla khongpong noh shwa ban poi ha katei ka jaka.

Ki tyllong khubor ki iathuh ba ia kine kiba la khlad noh la tip kyrteng kum u Aftab Uddin Laskar bad u Biswajit Lohar kiba shong ba sah ha ki bynta jong ka Kathlisera Sourangi kaba hapoh Hailakandi district.

“Ki la don baroh 13 ngut hapoh kane ka kali.Ngi la leit shangkai sha ki bynta jong ka thain Chatasera Prafulla Bagan kaba hapoh Hailakandi.U nongniah jong kane ka kali um shym la lah ban tehlakam ha kawei ka jaka khongkong kaba khim hapoh kawei ka jaka ba long lum bad hap sha ka jaka riat,” ong uwei na ki nongleit shangkai.

“Ia kito kiba la pynmynsaw la pynkit noh shapoh kawei ka hospital kaba rit ha Katlicherra hashwa ban pynkynriah shapoh Silchar Medical College and Hospital (SMCH)”, ula ong shuh shuh.

Na ka liang u heh pulit ula ong ba ia ka kam aijingiarap la wan iashim bynta lang da ki trai shnong ha ryngkat ki bor pulit napoh Ratabari police station kaba marjan.

Share post:

spot_img
spot_img

Popular

More like this
Related

Assam | Dawa tohkit CBI ka Congress ba trei bym hok ia ka project ha Garukhuti

Guwahati, Naitung 3: Ka Indian National Congress hapoh Assam...

Dawa ka SRHA ban sangeh kyndang ia ki dukan madan bad pynbna No Vending Zone ha Khyndailad

Shillong Naitung 03: Ka Shillong Roadside Hawkers Association (SRHA)...

Byrngem ka MGSPHSVA ban mudui pyrshah ia u Myntri Sorkar ba kynnoh khlem nongrim ia ki Nongialam

Shillong, Naitung 02 : Ka Meghalaya and Greater Shillong...

Ioh jingithuh ki Nongsumar kynbat ka Meghalaya da ka syrnot ka QCI

Shillong, Naitung 02: Ka Traditional Community Healthcare Providers (TCHP)...