Shillong, Iaiong 21 : Dang hynnin ka sngi, ha ka Sngi Paskha Bakhuid, u khliehduh jong ka Balang Catholic, u Pope Francis, u la khaweh ia ki kti sha ki paidbah na phyllaw jong ka St. Peter’s Basilica, wat hapdeng ka jingsumar ia ka jingpang kaba jur.
Hynrei, hynne ka step sngi Nyngkong por 7:35 baje, u Cardinal ka Vatican Kevin Farell ula pynbna ba u Pope Francis um don shuh hangne ha sla pyrthei.
U Myntri Rangbah duh jong ka Ri Narendra Modi u la ong, “Nga sngewsih jur ïa ka jingkhlad noh jong U Pope Francis Bakhuid. Ha kane ka kynta jong ka jingsngewsih bad jingkynmaw, nga phah ia ka ka jingsngewlem jong nga sha ki riew ngeit Catholic ba don ha satlak ka pyrthei. Ia u Pope Francis yn iai kynmaw kum u sharak jong ka jingisynei, ka jingsngewrit bad ka jingshlur ba kynja mynsiem da ki million ngut ha kylleng ka pyrthei. Naduh ka rta ba dang rit, u la aiti lut ia lade ban pynurlong ia ki jingthmu jong U Trai Khrist. U la shakri da ka jingminot ia kiba duk bad ki lanot. Na ka bynta kito kiba shem jingjynjar, u la pynmeh ia ka mynsiem jong ka jingkyrmen. Nga kynmaw sngewbha ia ki jingiakynduh jong nga bad u bad nga la shah pynshlur shibun na ka jingaiti jong u ia ka jingroi kaba kynthup lang ia baroh. Ka jingieit jong u ia ki briew jong ka ri India kan iai sah kynmaw shirta. To ai ba ka mynsiem jong u kan shem ia ka jingsuk bym jukut ha ka ksang kti U Blei.”
Deeply pained by the passing of His Holiness Pope Francis. In this hour of grief and remembrance, my heartfelt condolences to the global Catholic community. Pope Francis will always be remembered as a beacon of compassion, humility and spiritual courage by millions across the… pic.twitter.com/QKod5yTXrB
— Narendra Modi (@narendramodi) April 21, 2025
U Myntri Rangbah ka Jylla Meghalaya, Conrad K. Sangma u la thoh, “Nga sngewsih jur ïa ka jingkhlad noh jong U Pope Francis Bakhuid. Kum u Khliehuh jong ka Balang Roman Catholic, u Pope u la ïalam da ka nuksa. U la long shisha u Pope jong u Paidbah, bad ka jingim jong u ka la pynpaw ia ka jinglong sngewrit, ka jingiei bad ka jingisynei, kaba la aimynsiem ia kiba bun ki mynsiem briew . I aka jinglong Pope jong u yn iai kynmaw bad burom bha naba u dei uba iasaid na ka bynta ka jingsuk ha kylleng ka pyrthei. Nga kynmaw ruh da ka jingsngewsih ia ka por ba kongsan ba nga la iakynduh ia u Pope ha Vatican ha u bnai December 2022, ha kaba nga la kyrpad ia u ban duwai na ka bynta ka jylla, ka jaitbynriew bad ki briew jong ka. Mynta, ngi la duh noh ia u Nongsharai jong ka Balang, ia u Nongialam jong ka Pyrthei, bad ia u Pope jong ki Paidbah. Hynrei ka jingim jong u kan long ka jingai mynsiem ia ngi baroh. Ai ba ka mynsiem jong u kan shongthait ha ka jingsuk bymjukut.”
I am deeply saddened by the demise of His Holiness Pope Francis. As the Head of the Roman Catholic Church, the Pope led by example. He was truly a People’s Pope, and his life embodied humility, love, and compassion, which has inspired countless souls. His Papacy will be… pic.twitter.com/ENuSGSU8rd
— Conrad K Sangma (@SangmaConrad) April 21, 2025
U Nongialam ka Congress Rahul Gandhi, u la ong, “Nga sngewsih jur ïa ka jingkhlad noh jong U Pope Franci Bakhuids, ka sur pyrthei jong ka jingsngewrit, ka jingisynei, ka hok, bad ka jingsuk. U la ieng na ka bynta kiba shem jingjynjar bad kiba shah kyntait, u la kren khlem tieng pyrshah ia ka jingbym iaryngkat kyrdan, bad u la pynshlur ia ki million ngut ki riewngeit bapher bapher da ka khubor shaphang ka jingieit bad ka jinglong briew. Ki jingpyrkhat jong nga ki don bad ki paidbah Catholic ha India bad ha kylleng ka pyrthei.”
U nongïalam jong ka TMC u Abhishek Banerjee u la thoh, “Ka jingkhlad noh jong U Pope Francis Bakhuid kam dei tang ka jingduhnong na ka bynta kipaid Catholic ha kylleng ka pyrthei, hynrei na ka bynta baroh ki jaitbynriew kiba la peit sha u kum ka sharak jong ka jingshlur, ka jingshahshkor bad ka jingshai ha ka akor ka burom.”
