Shillong, Jylliew 16: Ki Pulit ka Jylla hynne ka sngi kila rah iaka Sonam Raghuvanshi sha Meghalaya Institute of Mental Health Neuroscience Shillong (MIMHANS) ban leh ia ka Medical Checkup.
Iaka Sonam kaba dang shah set hapoh ka Police custody ha Sardar Police Station, la leit ialam daki Pulit hapdeng ka jingpahara kaba jur.
Lah ban kdew ba ka Sonam Raghuvanshi lem bad 4 ngut ki dang don hapdeng ka jingshah tohkit haki Pulit ka Jylla halor ka jingshah kynnoh pyniap ia u Raja Raghuvanshi ha Sohra.
U Superintendent of Police Bah Vivek Syiem ula ong “Ia ka Sonam la ialam sha MIMHANS ban peit ia ka jinglong jingman ka bor pyrkhat jong ka. Ia kane la leh kat kum ka jingai jingmutjong u doktor, uba khmih bniah ia ka”.
La ka pyni ia kano kano ka dak ba pyni ia ka jingktah khlieh, u Bah Vivek ula ong “Em, ka (jingpeitbniah) long tang ban peit la ka pyni ia ka dak ka jingsngewsih haba don ha ka jingtohkit ki Pulit. Ka dei ka rukom ba ju leh (peitbniah).
Ka jingtohkit ia ka Sonam bad ki 4 ngut ki runar, kala poi mynta sha ka sngi kaba hynriew na ka 8 sngi bala aibor da ka Iingkashari.
La iathuh ruh ba ki Pulit kin ialam ia baroh 5 ngut sha Sohra haka 17 tarik naka bynta ban pynwandur biang halor ka jingpyniap ia u Raja.
 ban leh ia ka Medical Checkup.){kind=link}