Iakynduh u Lamphang ia ka BIPP, ISB halor ka Legislative Research Fellowship

Shillong Jylliew 07: U Lamphrang ka ïingdorbar thawain ka jylla u Thomas A Sangma ula iakynduh ia ka kynhun jong ka Bharti Institute of Public Policy (BIPP), Indian School of Business (ISB) kiba la ai jingbatai halor ka jingiaid shakhmat jong ka Meghalaya Legislative Research Fellowship (MLRF).

Kitei ki kynhun kiba la iakynduh ia u Lamphang ki kynthup ia u Dr Aarushi Jain, Policy Director, ka Deepti Soni ka Associate Director, ka Amrita Chakraborty, Project Lead jongka India Data Portal ha ka janmiet jong ka sngi Palei.

Lyngba katei ka Fellowship la pynrung ia ki dkhot ha u bnai Lber mynta u snem bad la pyniaid ia katei da ka jingiatreilang bad ka Meghalaya Institute of Governance (MIG). Katei ka kynhun kaba 12 ngut ki Legislative Fellows la pynkhamti ha kaban pynbiang ia ki jingtip kiba pura lyngba ka jingwad bniah bad ki polisi kiban kyrshan ia ki nongthawaiñ ha ka jylla Meghalaya.

Katei ka kynhun kala pyntip ha u Lamphang shaphang ka Meghalaya Data Portal (MDP) www.meghalayadataportal.com bad ka MDP kadei kaba long shi bynta jongka India Data Portal (www.indiadataportal.com) bad kadei ka sienjam na ka bynta ban kyntiew ia ka jingioh ia ki jingnang jingtip bad ban kyntiew ha kaba iadei ruh bad ki kam thaw ia ki polisi treikam.

Lyngba katei ka rynsan yn pynbiang ia ki jingtip ki bapher bapher kiba iadei bad ka rukom treikam bad kumno ban pyndonkam ia ki, ki jingtip kiba khuid bad ki jingthoh kiba bniah na ka bynta jong baroh kiba donbynta lang, kynthup ia ki nongwad bniah, ki nonghikai, ki nongpathai khubor bad ia ki riewpaidbah.

U Lamphang ula iakren halor ka jinglong jingman bad ka jingiaid shakhmat jong ka Meghalaya Legislative Training programme, kaba dei ka jingai jinghikai kaba kuyrpang na ka bynta ki MLA ka jylla ban pynkhlain ia ka ïingdorbar thawaiñ ka jylla ban iakhun ia ka jingeh ha kaba iadei bad ka jinglong nongialam bad ban thaw ia ki ald ki lynti na ka bynta ki nongthawaiñ haba ki mad ia ki jingeh.

Katei ka kynhun kala leit ruh ban iakynduh ia u Myntri ka Tnad Bording u AT Mondol, u Myntri ka Pule Puthi u Rakkam A Sangma bad ia ki dkhot jongka Legislative Assembly kiba kynthup ia u Subir Marak, Ian Botham K Sangma bad u Arbinstone B Marak.

Ka kynhun jong ka Bharti Institute of Public Policy (BIPP) kala wan sha ka jylla mynta ka taiew ban iakren halor kaj ingiaid shakhmat jong ka jingiatreilang jong ka sorkar Meghalaya bad ka Bharti Institute, ISB.