Guwahati, Iaiong 8: U Myntri Rangbah ka jylla Assam Himanta Biswa Sarma ha ka sngi Nyngkong u la iakynduh ia u Chairman ka Indian Space Research Organisation (ISRO) V. Narayanan ha Assam House, New Delhi.
Kane ka jingiakynduh u Himanta Biswa Sarma kadei ban iakren halor ka phang ban sdang noh ia la ka jong ka satellite- ASSAMSAT.
U Himanta u la pynpaw ruh ia ka jingdonkam ba bun rukom jong ka ASSAMSAT, ba kynthup ban ai ia ka jingtip ba kongsan ha ka kam rep kam riang kumjuh ruh ka jingkloi ban iarap haba don kano kano ka jingshah lyngshop ha ki bor mariang bad halor ki kam pahara.
U Chairman ka ISRO u Narayanan u la pynthikna ha u Himanta bad u la kular ban kyrshan pura na ka tnad space agency ha kaba pyntreikam ïa kane ka projek.
Ka Chief Minister’s Office (CMO) kham hadien kala buh ha ki rynsan social media da kaba ong, “HCM Dr. @himantabiswa u la ia shong jingialang bad u chairman jong ka ISRO u V. Narayanan ban iathir sani bha ia ka jingangnud jong ka Assam ban plie paidbah ia la ka jong ka satellite, da ka jingthmu ban pynbha ia ka jingpyniaid haba don ka jingshlei um, halor ka jingthmu ki polisy bad kumjuh ruh ha kaba iadei ban peit khmih bha ia ki khappud. Ka ISRO kala kular ban kyrshan pura ban pynurlong ïa kane ka jingthmu ba ka thrang.”
 V. Narayanan ha Assam House, New Delhi.){kind=link}