Phiah noh ia ka Assam-Meghalaya Cadre | pynrung ia ka ktien Khasi bad Garo ha ka 8th Schedule
Shillong, Nailur 04: U Myntri Rangbah ka Jylla Conrad K Sangma ha ka sngi Palei, ula iakynduh ia u Myntri kam Pohiing ka Ri Amit Shah bad kyrpad ba un tuklar lem ha kaban lah pyntreikam noh ia ka Inner Line Permit (ILP) ha Meghalaya khnang ban khanglad ia ka jingwan rung ki poi ei na Bangladesh na khappud ka Jylla.
U Conrad ula kyrpad ruh ban pynkha noh iala ka jong ka Meghalaya Cadre, ban pynrung ia ka ktien Khasi bad Garo ha ka Eight Schedule ka Riti Synshar ka Ri bad jer kyrteng ia ka surok ha Dehi hadien u (L) Purno Agitok Sangma, ha kane ka jingiakynduh ha New Delhi.
U Myntri Rangbah ula ong ba ka Iingdorbar Thaw Ain ka Jylla kala dep mynjur ia karesolution bad kala dep aiti bun tylli ki dorkhas sha ka Sorkar Pdeng ba kan ai noh ia ka ILP ia ka Meghalaya.
“Nga la pynkynmaw sa shisien ia u Myntri kam Pohiing, khamtam haba buh ha ka jingmut jingpyrkhat ia ka jinglong jingman ba mynta ha khappud bad ki jingjia bapher bapher ha ka Rib a marjan. Haba buh iakine kiei kiei ha ka jingmut jingpyrkhat, ka long kaba kongsan ym tang ban pynkhlain ia ka jingdon ki bor pahara jong ngi ha khappud, pynmih ia ki jingtei bapher bapher hynrei ha kajuh ka por ban don ia ka ain ka ban tehlakam ia ka jingwan rung ki poi ei shapoh ka Jylla Meghalaya bad haba peit ia ki jinglong jingmanbad ki ain kiba la don ha ka ri, tang kawei ka lynti kaba ngi don bad kata ka long ban pyntreikam ia ka ILP. Halor kanem ngi la kyrpad biang ia u Myntri kam Pohiing ka Ri ban mynjur noh iaka” ong u Conrad.
U Conrad ula iai ban ruh halor ka jingsahteng ka jingkyrpad ka Jylla ban ai jingithuh ia ka ktien Khasi bad Garo bad ong “Sa shisngi nga la pynkynmaw ia u Myntri kam Pohiing ba ngi la mynjur ia ka resolution halor kane ha Iingdorbar Thaw ain ka Jylla bad la bunsien, ngi la aiti ia ki dorkhas sha u ba kyrpad ba un mynjur lem noh ha kaban pynrung ia ka ktien Khasi bad Garo ha ka khyrnit ba phra”.
Halor ka jingtyrwa ban phiah noh ia ka Joint Cadre system bad ka Assam, u Conrad ula ong “Kumba phi iatip ba mynta ngi don ia ka joint cadre ka Meghalaya-Assam bad ym don kano kano ka Jylla ha ka Rib a don ia ka joint cadre bad kumta, nga la kyrpad bad kyntu ia u Myntri kam Pohiing ba lada lah ban phiah noh ia ka cadre ka Assam bad Meghalaya bad ka Meghalaya ka lah ban ioh ia la ki jong ki Ophisar, kan long ka jingmyntoi kaba khraw ia ka Jylla Meghalaya”.
Nalor kane, u Conrad ula kyrpad ruh ban jer kyrteng noh ia ka surok ha New Delhi ha ka kyrteng u (L) Purno A Sangma da kaba kdew ia ka synniang ba ula noh sha ka thain Shatei Lam Mihngi, ki riewlum bad ki rit paid.
“Nga kyrpad ia u Myntri kam Pohiing bad u (L) PA Sangma u dei u riewkhraw ka Ri, u briew uba ju kren beit na ka bynta ka thain Shatei Lam Mihngi, na ka bynta ki riewlum bad na ka bynta ki rit paidbah bad u dei u riew pawkhmat ha ka thain Shatei Lam Mihngi bad ha Jylla Meghalaya kumjuh ruh hapoh ka Ri bad kumta, kan long kaba dei shisha ban don ia ka surok hapoh ka Nongbah ka Ri ka ban dei ha ka kyrteng u (L) PA Sangma” ula ong.
 ha Meghalaya khnang ban khanglad ia ka jingwan rung ki poi ei na Bangladesh na khappud ka Jylla.){kind=link}