Shillong, Jylliew 7: U Myntri Rangbah ka Jylla Conrad Sangma hynne ka sngi Balang, ula iakynduh ia ka Nongniah Cycle ba wan shang marwei na Madhya Pradesh ka Aasha Malviya kaba la wan sha Shillong ban pynsaphriang ia ka khubor halor ka jingshngain bad ka jingpynkupbor ia ki Kynthei.
Kane ka Nongniah Cycle kala wan iakynduh ia u Myntri Rangbah hapoh ka Ophis treikam jong u ha main Secretariat.
Haba thoh hapoh ka Twitter, u Conrad ula ong “Ka Aasha Malviya na Madhya Pradesh kala iaid haduh 10.650 Km ha kylleng ki jylla ka Ri da ka khubor ban ai jingshngain ia ki Kynthei bad ban pynkupbor ia ki. Sngewtynnad ban iakynduh ia ka ha ka Ophis jong nga mynta ka sngi”.
Ms. Aasha Malviya from Madhya Pradesh has travelled 10,650 km across the country with a message for Women Safety & Empowerment. Pleased to meet her in my office today. pic.twitter.com/q0fMjzcPNJ
— Conrad K Sangma (@SangmaConrad) June 7, 2023
Ka Aasha kala dep wan ruh na Nagaland kum shibynta jong ka pan India cycle tour ne ka jingniah cycle ha kylleng ki Jylla ka Ri India.
Ha ka 13 tarik Jymmang, kala iakynduh ia u Lat ka Jylla Nagaland ha Kohima u La Ganesan. Kane ka samla kan pynkut ia ka jingniah cucle jong ka ha Delhi ha ka 1 tarik Nailar, 2023.
Haduh mynta, kala dep niah cycle haduh 15500 km, kaba long haduh 16 tylli ki Jylla da kaba sdang na Bhopal, Madhya Pradesh myn ha ka 1 tarik Naiwieng 2022.
