Shillong,Nohprah 01: Ki 3 ngut ki MLA kiba dang shu dep ban iehnoh kam ryngkat bad u MLA khlem Seng u Samuel Sangma hynin ka sngi Balang kila leit iakynduh ia u Myntri Rangbah ka Assam u Himanta Biswa Sarma ha Assam Secretariat kaba don ha nongbah Guwahati.
Kine ki 4 ngut kiba leit iakynduh ki kynthup ia u Samuel Sangma, Bah HM Shangpliang, Benedict Marak bad ka Ferlin Sangma ha kaba la iadonlang ruh u MLA ka BJP u Bah AL Hek bad kiwei kiwei ki nongialam ka seng BJP.
Katkum ki khubor bala iohlum la iathuh ba u Samuel Sangma ryngkat bad kitei ki 3 ngut ki MLA barim ka jylla kila leit iakynduh ia u Himanta Biswa Sarma hadien ba kila dep ban resaiñ noh na ka kam MLA bad ban pynkhreh ban pyniasoh noh bad ka seng BJP bad ban iakhun iaka elekshon MLA 2023 naka seng BJP.
La iathuh ruh ba ha katei ka jingiakynduh la shim ruh iaka rai ba kitei baroh 4 ngut ki nongialam kin pyniasoh pura ialade bad ka BJP ha ka 5 tarik u Nohprah ha ka jingialang kaban long ha nongbah Delhi ha kaba ki nongialam kiba hakhmat jong ka BJP kin pdiang sngewbha ia kitei ki 4 ngut sha ka seng BJP.
