Nongpoh, Ïaïong 17: Ka Khasi Students Union- Nongpoh Circle, hynne ka sngi, kala leit ban iakynduh ia u Executive Engineer ka MeECL ka Nongpoh Division, ban dawa maramot noh kloi kloi ia ki post elektrik kiba la kem sarang ha ka thain Mawdaron, Saiden bad kiwei kiwei ki jaka-kiba la pynap ia ka jingma ia ka jingim jong ki paid nongshongshnong.
Kane ka jingiakynduh ka long ruh ban pynkyndit bynriew ia ka MeECL ba kan leit peit ia ki post eletrik ha manla ki shnong khamtam mynta bala wan ka aiom jur lyer bad ka aiom slap-khamtam kito kiba pynieng hajan jong ki Iingsah briew.
U Secretary ka KSU-Nongpoh samla Baiashanlang Kharshanlor hadien ba iakynduh ia une u Ophisar ka MeECL ula iathuh ba ka seng kala leit ban jurip ia kine ki post elektrik ha kine ki shnong bad kala sakhi dala I jong ki khmat ba bun kine ki post kim long shuh namar kila shah bam sarang lut, kaba buh ha ka jingim ia ki nongshongshnong khamtam ha kane ka aiom lyer bad aiom slap.
Ula iathuh ba na ka liang une u Engineer ka MeECL ula pynpaw ia ka jinglong ba kloi ban shimkhia bad leh eiei halor kane ka kam.
Ha kajuh ka por, ka KSU kala pynpaw ruh ia ki jingeh halor ka jingpynlip bording elektrik kaba khah khah ha Nongpoh, kaba la ktah shibun ia ki riew seng kam bad khamtam ia ki samla pule.
Halor kane, ka KSU kala kyrpad ia ki borkhmih ba kin pynbeit thymmai noh ia ka por pynlip bording ha ka thain bad ban pynthikna ba ka bording kam dei satia ban lip ha ka por mynstep, mynsngi bad ha ka por janmiet namar kitei ki dei kip or ba ki paidbah ki pyndonkambha ia ka bording.
