Shillong, Jylliew 29: Ka seng Hynñiewtrep Youth Council (HYC) West Khasi Hills hynne ka sngi ka la wan kynduh ia ka myntri ka tnat ka koit ka khiah ka kong Ampareen Lyngdoh ban pynpaw halor ka jingduna bad ki jingdkoh haka liang ki lad jingsumar hapoh ka thain West Khasi Hills baroh kawei.
Haba kren sha ki lad pathai khubor u president ka HYC West Khasi Hills u bah Lumlang Kharsyiemlieh ula ong ba ka District ka la don mynta la kumba 46 snem tam hynrei ka district baroh kawei ka dang duna bha haba iadei bad ki lad jingsumar naduh ki sub-centre, ki PHC ki CHC haduh ki hospital.
U bah Lumlang ula iathuh ba na ka liang ka seng HYC ka la dawa ban pynbha iaki lad jingsumar naduh u snem 2017 hynrei haduh mynta naka liang ka sorkar kam shym la shim khia satia bad kane kala wanrah ia ka jingduhnong kaba khraw iaki nongshong shnong ka district baroh kawei.
“Ka jingkynrei ki ba pang khyllai hapoh ka West Khasi Hills District ka la palat da ki hajar ngut bad ka daw ka long ba ki jaka sumar haduh mynta kim pat don ia ka Dialysis Centre. Kumta ka seng ka la dawa ba dei ban don noh ia ka Dialysis Centre ha ka District khnang ba ki paidbah kin kham suk ban leit phah sumar” la ong u bah Lumlang.
U bah Lumlang ula iathuh ruh baka seng ka la pan jingshai naka Myntri halor ka jingmih khubor ba la shah rah noh ki tiar na ka Maternity and Child Hospital (MCH) na Nongstoiñ sha Mawkyrwat.
Ula ong ba iaka MCH Nongstoin la pyndep naduh u snem 2018 bad haduh mynta ym shem la lah ban pynurlong ban plie noh ia kane ka ban sumar iaki paidbah.
“Ka seng kala kyrpad ia ka sorkar ba kan plie noh ia ka hospital MCH khnang ba kan long ka jingmyntoi ia ki longkmie haduh ki khynnah rit kiba napoh ka District” ula ong.
Haba iadei bad kane naka liang ka Myntri ka la kular ban sa leit jurip iaki jaka sumar ha West Khasi Hills haka 26 tarik mynta u bnai ban peit bad iakren ia baroh ki jingduna kumba ka seng ka la dawa.
 West Khasi Hills hynne ka sngi ka la wan kynduh ia ka myntri ka tnat ka koit ka khiah ka kong Ampareen Lyngdoh ban pynpaw halor ka jingduna bad ki jingdkoh haka liang ki lad jingsumar hapoh ka thain West Khasi Hills baroh kawei.){kind=link}