Shillong, Nailar 20 : U Myntri Rangbah ka Jylla Conrad K Sangma ha ka sngi Palei, ula pyntip b aula iakren bad u Myntri Rangbah ka Assam Himanta Biswa Sarma halor ki kam thombor ha Shillong ba jia ha ka 19 tarik Nailar bad ki jingjia ba jia hadien kiba ktah ia ka leit ka wan ha khappud ki ar Jylla.
Ha ka jingthoh ha X, u Conrad u iathuh ba baroh arngut ki Myntri Rangbah kila mynjur ban iatreilang ha kaban pynjai jai noh ia ka jinglong jingman.
Spoke with the Hon’ble Chief Minister of Assam, Dr. @himantabiswa ji regarding the unfortunate violence in Shillong on 19th August and the reactions that have followed, which have affected the common people and commuters of both States.
We have agreed to work together, as…
— Conrad K Sangma (@SangmaConrad) August 20, 2026
“La iakren bad u Myntri Rangbah ka Assam Dr. @himantabiswa ba iadei bad ki kam thombor ba sngewsih ha Shillong ha ka 19 tarik Nailar bad ki jingjia kiba bud, kaba la ktah ia ki riew paidbah bad ki nongleit nongwan jong baroh ar Jylla” thoh u Conrad.
U pyntip ba la buh mynta ia ki Myntri Sorkar na baroh ar Jylla ba kin iakynduh bad ba kin pyntyllun shakhmat ia ka jingiakren nalor ban wad ia ki lad ki lynti ha kaban wanrah pat ia ka jingsuk, ka jingshniah bad ka jinglong ba jai jai.
“Kyrpad ia ki nongshongshnong jong baroh ar jylla ban pynneh ia ka jingsuk, ka jingialong kawei bad ban kiar na ki jingpynkulmar. Ka Meghalaya bad Assam ki iadon ia ki jingiadei ba jylliew bha bad ngi dei ban iatrei lang ban iada ia ki” bynrap u Myntri Rangbah.
