Guwahati, Jymmang 15: Ka All Assam Students’ Union (AASU) hynne ka sngi kala pynlong ka jingiakhih ha bar ka Ophis u Deputy Commissioner, Dibrugarh halor ka jingkiew dor palat ki marbam bad kiwei kiwei ki mar mata ba donkam.
Ki dkhot ka AASU kila pyrta kyntien pynrem iaka Sorkar ba ialam daka BJP ha ryngkat ka jingkynnoh ba kam lah ban tehlakam iaka jingkiew dor ki mar bam bad kiwi ki mar mata ba donkam.
“Ka Sorkar Pdeng bad ka Sorkar Jylla ba ialam daka BJP kila leh matlah haba iadei bad ka jingkiew dor ki mar bam kum khaw, ki jait dai, ki jhur, ka petrol bad diesel kaba la ktah jur bha iaki paidbah” la ong u AASU Dibrugarh district President u Abani Kumar Gogoi.
Ula ong “Namar ka jingkiew dor palat, ki paidbah kila shem jingeh ban pyniaid iala ka ing ka sem. Ka kamram jong ki kadei ban tehlakam iaka jingkiew dor naka bynta ka bha ka miat u paidbah. Ka Sorkar ba mynta kala pulom ban ban shim iaki sienjam. Ngi dawa na u Myntri Rangbah u Himanta Biswa Sarma ban shim iaki sienjam ban tehlakam iaka jingkiew dork i marbam bad kiwei ki mar mata ba donkam”.
