Jowai, Iaiong 19 : Ka Voice of the People’s Party (VPP) kala pynlong ia ka jingialang paidbah hynne ka sngi ha Iawmusiang, Jowai ban ialap bad pynsngewthuh ia ki paidbah halor ka jingdawa bishar thymmai ia ka Reservation Policy bad ban pynsangeh treikam ia ka Roster System kat bym pat pynbeit ia ka poicy.
Haba kren ha ka jingialang, u President ka VPP Bah Ardent M Basaiawmoit ula ong ba ka VPP kala dawa ia ka Dorbar Kyrpang ban iakren ia kane ka kam hynrei kala shah kyntait.
Ula ong baka party kan iai bteng ban tynruh ha kaban bishar thymmai noh ia ka Reservation Policy bad ban thaw ia ka committee na ka bynta kane ka kam.
U Bah Ardent ula dawa ban pynsangeh noh mardor ia ka jingthungkam kat kum ka Roster System ba mynta katba ym pat lah ban pynbeit ia ka Reservation Policy, kat kum ka jingdon paid jong ki lai tylli ki Jaidbynriew riewlum ka Jylla.
Nalor kane, u Bah Ardent ula iai ban ba ki 36 ngut ki MLA na Ri-lum Khasi bad Jaintia ki dei ban shimkhia bha ia kane ka kam. Ula kyntu ia ki paidbah na Ri-lum Khasi bad Jaintia ban iatreilang halor kane ka kam, ka ban pynmyntoi ia ki pateng ban dang wan jong ka jaidbynriew.
Ha kane ka jingialang, u Nongshongshnong bala pawkhmat bha ha Jowai Bah OR Challan, ula ai jingkren halor kane ka mat.
