Nongpoh, Risaw 5: Ka Umroi Presbyterian Higher Secondary School, kaba dei kawei na ki school kiba la paw bha ha ka them Ri Bhoi ha kaba iadei bad ka pule puthi, ki kam ialeh kai (Sports) bad Kane Ka School ka don ruh ki scout & Guide Unit, nangta ki Clubs kum ka Literacy Club, Eco & Youth Club, Arts & Cultural Club, Science & Innovation Club.
Nalor kine, ka skul haba phai khmat ruh ban wad ia ki lad ki lynti ba kumno ban nang pynbha ïaka pule puthi bad ban wanrah ïaka Pule puthi kaba janai (Quality Education) katkum NEP 2020, kane ka skul ka la shna ia ka kamra klas kaba kham kyrpang na ka bynta ban iarap ia ki khynnah klas Nursery haduh Class-III, kaba ngi tip kum ka Foundational Literacy & Numeracy (FLN), ban pynïoh ïaki jinghikai kaba ngi ong learning with Practical, activities based Teaching bad lyngba ki ICT (Information Technology).
Ia kane ka Kamra klas, la wan ban plie da ka kong Mary Lynrah, State Pedagogy Co-ordinator, SSA-SEMAM ha ka jingïadonlang ka kong P. L Nonglait DSEO Ri Bhoi District, bah T. P. Tmung, Principal, A. Gogoi, Project Co-ordinator, Bharti Foundation, lem bad kiwei kiwei ki ophisar ha ryngkat ki nonghikai bad ki khynnah skul.
Na ka liang ki nongkren, ki la pynshai ba ka jingdon jong ka FLN class room kan ktik ia ki jingmut jingpyrkhat jong ki khynnah bad kane kan wanrah ia ka jingkiew ha ka jingwan jong ki khynnah sha ka school.
La pyntip ruh, ba kane ka kamra Klas FLN kan ai ka jinghikai kaba kham bha bad kaba pa ka ban seng nongrim ia ka jinstad jong ba kin ioh ia ka nongrim kaba khlain khnang ba kin long ki khlur kiba paka ha kawei ka sngi.
Ha Kane ka juh ka sngi ka school ka ka la pynlong ruh ïaka School Exhibition ha kaba ki kynnah ki hap ban pynkhreh ia ka Model jong ki kat kum ka phang ba la buh bad ha Kane ka sngi ki khynnah skul ki la ïoh ïaka lad ban pyni shisha ia kata ka jong ki lyngba katei ka exhibition.
