Shillong, Lber 02: Namar bala sdang wan ka aiom lyer, ka Deputy Commissioner (DC) East Khasi Hills District Kong RM Kurbah ka la pynmih ia ka jingbthah khnang ba lah iaid kiar ia ki jingjia pynjulor bad ki jingpluh.
Katkum ka Public Advisory ba la pynmih, ka DC ka la ai jingmut ïa ki paidbah ban pynskhem ïa ki Tiles kiba lait bad ban pynskhem ïa ki jingkhang bad ki jingkhang iit na ka bynta ka jingshngaiñ jong ki ïing.
Ka long kaba donkam ban weng noh ia ki tnat dieng kiba la iap ne ki dieng ba don marjan ki Iing.
Dei ban pynlong ia ka jingpeit bniah ia ki waiar bording bad ki kor bording ha iing khnang ban iada na ka jingpluh.
Ki tiar kum ki Lumber Piles, ki tin, ki mawit, ki tin lum jaboh, bad ki signboard dei ban sumar bha khnang ba kin ym shah rong noh ha ki Iyer kiba jur.
Lada jia ba jingpluh ding, la bthah ia ki briew ba kin long jai jai bad ban pynkynriah ia ki longiing kiba shah ktah sha ki jaka ba shngain.
Ka Deputy Commissioner ka la kyntu ïa baroh ba kin bud ryntih ïa ki jingbthah khnang ban lait na kino kino ki jingmynsaw. La bthah ruh ïa ki paidbah ba kin long kiba husiar bad peitngor bha.
