Shillong, Naiwieng 22: Ka Shillong Lajong kala iai bteng iaka jingjop haka jingiakhun jong ka lympung I-League 2023 da kaba pynliem da 2-1 kol iaka Delhi FC haka jingialehkai kaba la long ha madan SSA Stadium (First Ground) Polo, Shillong.
Ka Lajong kala dep ban ialehkai 5 tylli ki jingiallehkai bad kala ioh jingjop 2 sien bad akla iakhaid 3 sien bad iaka ba mynta ka don haka kyrdan kaba 4 hapoh ka I-League Table.
Haka jingialehkai hynne ka sngi ha Shillong, ka Shillong Lajong kala ioh ban thep Gola nyngkong haka 24 minit da u Karim Samb hynrei haka 60 minit ka Delhi FC kala ioh ban pyniakhaid lyngba ka Gola u Gaurav Rawat.
Hashuwa ka jingkut jong ka jingialehkai kyllamiet, ka Shillong Lajong kala jam shaka jingjop lyngba ka Goal u samla Khasi kata u Phrangki Buam bad kane ka Goal kala pynkhihwin iaki paidbah ha Polo kiba la wan ai jingkyrshan iaka ka kynhun.
Hadien kane ka jingop, ka Shillong Lajong kan ialehkai biang haka 25 tarik mynta u bnai pyrshah iaka Tiddim Road Athletic Union FC (TRAU) kaba don haka kyrdan 13 jong ka I-League Table .
 Polo, Shillong.){kind=link}