Shillong Iaiong 10: Ka Shillong Lajong Football Club, kala pyntip ba kan iakhun pyrshah iaka United Sports Club ha ka Second Division – I League kaban long ha ka 14 tarik mynta u bnai ha nongbah Shillong.
U Assistant Coach ka SLFC u Bah Seibor Sana, ula ong, ia kane ka jingialehkai yn pynlong ha ka Madan Third Ground, Polo bad yn sa shna ruh ia ki jaka shong naka bynta ki nongpeitkai bad ula pan map na ki riewieid Football haka jylla namar ka jingbym don iaka jaka ialehkai kaba biang kaba ki nongpeitkai kin ioh ia ki jaka shong kiba biang.
Ula ong, ba iaka dor jong ka bai tiket ka long 80 tyngka bad 100 tyngka ban peitkai iaka katei ka jingiakhun.
Nalor kane ula ong, ba ha ka 19 tarik ka SLFC kan iakhun pyrshah iaka kynhun Diamond Rock bad ia kane ka jingiakhun ruh yn pynlong ha Madan Polo.
U Bah Sana ula pynpaw iaka jingsngewtynnad ba ki rangialehkai jong ka SLFC kiba bun hi kidei kiba dang hapoh ka 20 snem ka rta bad ha ki jingialehkai kiba la dep ka SLFC kala pynliem iaka East Bengal bad iaka Diamond Rock.
Kumba long mynta haka Group Stage, ka SLFC kala ialehkai Arsien bad kala jop ha kitei ki jingiakhun bad ioh khur 6 Point bad kadei ruh ka kynhun kaba kamai bun tam iaka point ha katei ka Group Stage.
