Shillong, Naiwieng 25 : Ha ka jingiakhun ba iakhaid bha ha SSA Stadium, Polo, ka Shillong Lajong kala beh nadien ban iai bteng ha ka jingiaid ia ka lynti jong ka jingjop ha ka AIFF I-League 2023 da ka jingjop ba 2-1 kol pyrshah ia ka Tiddim Road Athletic Union (TRAU) FC kaba na Manipur.
Ka TRAU FC kala ioh ban thep ia ka kol ba nyngkong tang ha ka minit kaba 5 hynrei da ka jingiatreilang kum ka kynhun hapoh ka jingialam u Captain Hardy Cliff Nongbri, ka Lajong kala ioh ban pyniakhaid ha ka minit kaba 18.
Ha ka kylla miet, ka Shillong Lajong kala pyni ia ka sap ialehkai kaba itynnad bha bad da ka jingiai pynbor ia ki rang ialehkai ba shadien ka TRAU FC, ka kynhun kala ioh biang sa kawei ka kol ia kaba la thep hi da u rangialehkai ka TRAU u MP Gagoi ha ka minit ba 87.
Ka Shullong Lajong mynta kala kiew ha ka kyrdan kaba 3 hapoh ka jingkamai point da ka jingioh haduh 12 point.
Ha ki san tylli ki jingiakhun hala iing, ka Shillong Lajong kala ioh ban khur haduh 11 point naka 15 point. Ka jingjop ka kynthup ia ka Gagulam Kerela, Delhi FC bad ka TRAU FC bad iakhaid pat pyrshah ia ka NEROCA bad Sreenidi Deccan FC.
Ka Shillong Lajong kan iakynduh mynta ia ka kynhun ba dang shu rung thymmai ha ka lympung- ka Rajasthan FC ka ban long ha ka 3 tarik Nohprah.
 FC kaba na Manipur.){kind=link}