Shillong, Nailar 30 : Ka Sorkar Jylla kala khang pyrshang mynta ban phah pynkhuid painkhana da ki briew (manual scavenger) hapoh ka Jylla bad ong ba ki briew kiba pynkhein/ialeh pyrshah, kin ngat ha ka jingpynsajia da kaba shong along 2 snem lane da ka kuna ba T. 2 lak ne baroh ar.
Kane ka hukum kala mih na ka Shillong Municipal Board (SMB) haba pyntreikam ia ka hukum jong ka Iingkashari Supreme Court kaba iadei bad ka “The Prohibition of Employment as Manual Scavenger and their Rehabilitation Act, 2013”.
Ka pyntip ruh ba ka Iingkashari kala pynsangeh syndon ia ka Manual Scavenging (pynkhuid painkhana da ki briew) hapoh ka Ri.
Ia kane la pyntip da ka Saloni Verma, IAS, kaba bat ia ka kam Sib Divisional Officer © ka Sohra Civil Sub-Division, Sohra, haba pynmih jingpynbna ia ka jingtreikam ka hukum jong ka SMB hapoh ka Sub Division.
Kane ka Ophisar kala ong “Kumta, ki briew ne bor shnong lane kano kano ka Agency, kim dei shuh ban shna ia ki pain khana ba shu pyntuid sha ki jaka pyllang/nala/thliew (insanitary latrine), lane aikam ia ki briew ban khat bad pynkhuid ia ka painkhana/thliew painkhana lane ki septic tank”.
Ka ong ba kiba pynkhein ia ka ain kin shah pynshitom da kaba set along haduh 2 snem lane da ka kuna ba T. 2 lak lane baroh artylli lada dei ha ka sien ba nyngkong.
Lada ki dang pynkhein biang, kin shah pynshitom da ka jingset along kaba kot haduh 5 snem lane da ka kun aba T. 5 lak lane baroh artylli.
Kane ka Ophisar kala kyntu ia baroh ki nongshongshnong ba kin ai jingtip sha ki Police Station ba marjan ba kin register case lada don ki briew kiba aikam ban phah khat ne pynkhuid ia ki painkhana jong ki.
 haba pyntreikam ia ka hukum jong ka Iingkashari Supreme Court kaba iadei bad ka “The Prohibition of Employment as Manual Scavenger and their Rehabilitation Act, 2013”.){kind=link}