Shillong, Naiwieng 05 : U Deputy Commissioner bad Chairman ka District Disaster Management Authority (DDMA), East Jaintia Hills District (EJHD), ula kyntu ia ki paidbah ban husiar bha haba niah kali na ki jingkieng ha National Highway ba hap hapoh ka Lumshnong C&RD namar ba kila shongtor.
Kat kum ka hukum ba pynmih da u Deputy Commissioner, ula pyntip ba ula ioh khubor ba ki jingkieng ha surok NH-06 ha Umkiang (Wahkoh) bad baroh ki jingkieng ha surok NH hapoh Lumshnong C&RD Block, kila shongtor lut bad ki lah ban buh ha ka jingma ia ki paidbah bad ka iaid ka ieng ki kali.
Khang ban shngain ki nongleit nongwan, ki kali bad ki riew paidbah ba iaid lyngba kane ka surok NH, la bthah ia u Project Director ka National Highway Authority of India (NHAI), Meghalaya, Shillong ban maramot mardor haba khmih ia ki jing long kongsan jong kine ki jingkieng.
Namar kane ka jinglong jingman, la bthah ia ki paidbah, ki nongniah kali ba kin da phikir bha bad ban kohnguh ia ki kyndon pyniaid kali haba iaid lyngba kine ki jingkieng khnang ban kiar na kino kino ki jingjia ba sngewsih tad haduh ban da lah pyndep ia ki kam da ka Tnad ba dei khmih ia ka NH-06.
 bad baroh ki jingkieng ha surok NH hapoh Lumshnong C&RD Block, kila shongtor lut bad ki lah ban buh ha ka jingma ia ki paidbah bad ka iaid ka ieng ki kali.){kind=link}