Shillong, Rymphang 11 : U District Magistrate ka East Jaintia Hills District Manish Kumar ha ka sngi Balang, ula hukum ban pynpra ia baroh ki crane hiar par (lifting crane) bad kiwei ki machine kiba don ha ki par dewiong ha Mynsngat-Thangsko, hadien ka jingbthei ka par ba wanrah ia ka jingiap ki 31 ngut ki nongbylla.
Ia kane ka hukum la pynmih hapoh ka kyndon 152 jong ka Bharatiya Nagarik Suraksha Sanhita (BNSS), 2023, kaba shah ban pynpra ia baroh ki jingshna beain, kynthup ki crane sei dewiong bad ki dara, na ka jaka ba bthei ka par dang shen.
“Kine ki crane bad kiwei kila pynthut ia ki paidbah bad ki long kiba ma ia u paidbah” ong ka hukum haba bynrap ba kine ki tiar, ki dei kiba lah ba pyndonkam ha ka jingtih dewiong beain, ia kaba la khang da ka National Green Tribunal naduh u snem 2014.
Ia kane ka jingpynpra yn sa leh hapoh ka jingpeit jong u Investigating Officer, u ban sa buh jingthoh bha lem bad ban leh ia ka geo tag ia ka jaka.
U District Magistrate ula hukum ia u Superintendent of Police ban pynthikna ia ka jingpyntreikam noh mardor ia kane ka hukum.
 bad kiwei ki machine kiba don ha ki par dewiong ha Mynsngat-Thangsko, hadien ka jingbthei ka par ba wanrah ia ka jingiap ki 31 ngut ki nongbylla.){kind=link}