Nongstoin, Nailar 07 : Ka Iingkashari Special Judge (POCSO) ka West Khasi Hills, kala hukum ban set phatok 20 snem bad ka kuna ba mar T.1 lak pyrshah iaki arngut kiba donkti ban rahbor bad leh beijot ia kawei ka samla 17 snem.
Kine ki arngut ki runar ki kyrteng u Francis Iawphniaw bad u David Syiemlieh, kiba la shah pynngat ha ki kyndon 5(g)(k)/6 jong ka aiñ POCSO ba la pule ryngkat bad ka kyndon 137(2) jong ka Bharatiya Nyaya Sanhita (BNS) kat kum ka mukotduma bala register na ka ejahar ba mudui ha ka 11 tarik Nailur 2024.
Ha ka 31 tarik Naitung, 2026, ka Ïingkashari badonburom jong u Nongbishar ba kyrpang (POCSO), Nongstoin, hadien ba ka la ït bad bishar bniah ïa baroh ki sakhi sabut ba la lap ha ka jingtohkit, ka la pynrem ïa u Francis Iawphniaw bad u David Syiemlieh.
Ka Kashari ka la rai pynrem ia baroh arngut kin shah set phatok haduh 20 (Arphew) bad ka kuna kaba T.1,00,000/- tyngka (Rupee Shi Lak tang) na ka bynta ka kam runar kaba lah ban pynshitom katkum ka Kyndon 6 jong ka POCSO Act. Lada kim lah ban siew ia ka kuna, kin shah set phatok kaba suk 1 (Shi) snem katkum ki kyndon 5(g)(k)/6 jong ka ain POCSO namar kane ka kam leh beijot jong ki.
Na ka bynta ka kam runar kaba lah ban pynshitom katkum ka kyndon 137(2) jong ka Bharatiya Nyaya Sanhita (BNS), la rai pynrem ïa ki nongshah pynrem ba kin shah set phatok 6 (Hynriew) snem ryngkat ka kuna kaba 50,000/- Tyngka (Rupee Sanphew Hajar tang). Lada kim lah ban siew ia ka kuna, kin sa shah set phatok biang sa Shisnem (DPRO).
 ka West Khasi Hills, kala hukum ban set phatok 20 snem bad ka kuna ba mar T.1 lak pyrshah iaki arngut kiba donkti ban rahbor bad leh beijot ia kawei ka samla 17 snem.){kind=link}