Shillong, Jylliew 23 : Ka Sorkar Jylla kala hukum ban pynlong ia ka jingtohkit halor ka jingkynnoh tih be-ain ia u dewiong ha South West Khasi Hills.
Ka hukum bala pynmih da u Secretary ba khmih ia ka Tnad Mining & Geology ka ong “La bthah ia u Deputy Commissioner, South West Khasi Hills ban pynlong ia ka jingtohkit halor ka jingkynnoh ba iaid ka jingtih beain ia u dewiong ha South West Khasi Hills kaba hap hapoh ka Nonghyllam Police Station da u Skindford Nongbri”.
La btah ruh ia u Deputy Commissioner ban aiti ia ka kaiphod kaba bniah hapoh ka 7 snem “ban ioh phah bad aiti sha u Justice (Retd) BP Katakey kumba u kwah”.
“Nalor kane, u dei ruh ban leh tyngeh pyrshah ia une u briew hapoh ka kyndon MMDR Acr, 1957 lada shem ba ka jingkynoh ka dei kaba shisha” ong ka hukum.
Ia u Deputy Commissioner yn iarap ha ka jingtohkit da u Superintendent of Police (SP) ka South West Khasi Hills District.
