Nongstoin, Nohprah 01 : Ka Iingkashari Special Judge (POCSO) kala hukum ban set phatok haduh 30 snem ryngkat ka kuna ia uwei u runar uba leh beijot ia iwei I Khynnah ha kawei ka Kyntoit jong ka West Khasi Hills District.
Une u runar u dei u Kelding Thongni uba leh beijot ia iwei I Khynnah ha u snem bala lah. Ia une u runar la kem da ki Pulit kat kum ka ejahar bala mudui ha Nongstoin Police Station kiba la register da ka case no. 55 (08) 2021 hapoh ka kyndon 5 (m)/6 jong ka POCSO Act.
Ka Iingkashari haba bishar ia kane ka case, kala pynmih ia ka hukum hynnin ka 30 tarik Naiwieng ban set along haduh 30 snem bad ka kun aba T.50000 kat kum ka kyndon 6 jong ka POCSO Act bad ka kyndon 428 jong ka CrPC.
