Shillong, Nailar 08 : Ka Iingkashari District Court, kala hukum ban set phatok shirta jingim ia lai ngut nadeng ki 5 ngut ki briew, kiba donkti ban pyniap briew, kaba la jia 32 snem mynshuwa.
Ka Iingkashari u Session Judge ka West Jaintia Hills District, Jowai, ha ka 4 tarik Nailar haba iaroh ia ki sakhi satar, kala shem ba u Tngen Muruh, She Muroh bad u Tne Muruh jong ka shnong Lumkhudung, ba ki donkti ban pyniap briew bad la pynngat sajia ia ki hapoh ki kyndon pyniap briew 302 IPC.
Halor kane, ka Iingkashari kala hukum ban set along shirta jingim ia kine ki laingut ki briew.
Ia kane ka case la register ha Jowai Police Station kaba long pyrshah ia san ngut ki briew kata u Tngen Muruh, Lowit Muruh, She Muruh, Tne Muruh bad Kamai Muruh halor ka jingpyniap ia u Sada Muruh jong ka shnong Lumkhudung ha ka 16 tarik Naiwieng, 1991. Ia ka ejahar la mudui da u para jong une uba shah pyniap u Kaia Muruh.
Ia kane ka case la shimti ban tohkit da u Sun Inspector QE Pala. Hadien ka jingtohkit, u IO ula file ia ka chargesheet pyrshah ia kine ki san ngut hynrei u IO Bah QE Pala ula khlad noh ha ka 11 tarik Jylliew, 2022.
La pyntip ba arngut na kine kiba shah kynnoh kata u Kamai Muruh bad u Lowit Muruh kila khlad noh ha ka por ba dang iaid ka jingtian bishar. Ka jingbishar kala bteng tang ia kine ki lai ngut kata u Tngen Muruh, She Muruh bad Tne Muruh.
