Shillong, Nailar 27: Ka iingbishar ha East Khasi Hills ka la hukum set phatok 5 snem ia uwei u briew halor ka jingkynnoh donkti ba u dung da ka tari ia uwei u briew ha Sohra ha u snem 2023.
Ka Ïingbishar jong Additional Deputy Commissioner (Judicial) ka la rai rai pynrem ïa u Stephan Khongtim ha ka Sessions Case No. 19(T)2023 halor ka pyrshang ban pynïap bad pynmynsaw briew.
U Khongtim u la shah rai set phatok 5 snem bad ka kuna kaba T.20,000 katkum ka kyndon 307 IPC, bad 2 snem bad ka kuna T.5,000 katkum ka kyndon 326 IPC.
Lada ym lah ban siew, un hap shong phatok sa 2 bnai bad 1 bnai.
Kane ka mukotduma ka dei jong ka Sohra PS Case No. 8(03)2023.
Katkum ka jingong ki pulit, ka FIR ba la ujor ha ka 21 tarik Lber 2023, ka iathuh ba u Stephan u la dung ia u nongujor naka bynta ka kpoh ha ka 24 tarik Rymphang 2023.
La kem ia u bad la charge-sheeted ha ka 28 tarik Iaiong 2023.
U SP ka East Khasi Hills u Bah Vivek Syiem, ha ka kyrwoh ba la pynlait, u la ong ba une u nongshah rai pynrem u la dep pynlut 2 snem 5 bnai bad 16 sngi hapoh phatok bad mynta un shah set sa 2 snem 1 bnai bad 20 sngi.
Ia kane ka kam la tohkit da u SI Habanjop Khonglah, uba don mynta ha Mawshynrut PS West Khasi Hills.
