Shillong, Nailur 24 : Ka Iingkashari Special Judge (NDPS) ka East Khasi Hills kala hukum ban set phatok 4 snem ia ki laingut ki nongkhaii droks hadien ba rai pynrem ha ka kam khaii droks u snem 2024.
Kine ki laingut ki dei u Donald Syndor, Kitboklang Thawbri bad u Ryngkatlang Kharbuli. Ia ka hukum la pynmih ha ka 15 tarik Nailur ba iadei bad ka case Crl.(NDPS)20/2024, kaba mih na ka Mawlai Police Station Case No. 16(02)2024.
Ka Iingkashari kala pynjari ruh ia ka kuna ba mar T.40,000 ia kine ki runar hapoh ka kyndon 21(b)/27(a)/29 jong ka NDPS Act.
Lada kim lah siew, kin hap ban shong phatok sa lai bnai kum ka jingpynsajia.
Ia ka jingtohkit la khlieh da u SI Iaishah Ksoo uba don mynta ha West Jaintia Hills.
Ia kane la pyntip da u Superintendent of Police (Traffic) ka East Khasi Hills, Dr Hari Prasanth MR ha ka kyrwoh ba pynlait ha ka sngi Palei.
