Shillong, Nailar 04 : Ka Iingkashari Special Judge (POCSO) ha East Khasi Hills kala hukum ban set along 3 snem ia u Abdul Khudus namar ka jingleh kynshlein ia ka khynnah ba 7 snem ha u 2015.
Kat kum ka kyrwoh ki Pulit, ia kane ka jingpynsajia la pynbna ha ka 28 tarik Naitung, 2026 da ka Iingkashari Special Judge (POCO) MK Lyngdoh, Shillong ba iadei bad ka Madanrting PS Case No. 117(9)2015.
Ka Iingkashari kala hukum set phatok 3 snem bad ka kuna ba T.20,000 hapoh ka kyndon 8 jong ka POCSO Act, nalor 6 bnai lada bym siew kuna.
Ia u Khudus la rai set phatok 2 snem hapoh ka kyndon 506 Part I IPC.
Ki Pulit ki pyntip ba ia ka ejahar la ujor ha ka 28 tarik Nailur, 2015 da ka Kmieieid jong kane ka khynnah. Ia kane ka case la tohkit da ka WPSI P Wahlang, bad ia ka chargesheet la aiti ha u Iaiong 2016.
Namar ba ula shong phatok 2 bnai bad 1 sngi, u Khudus un hap shong phatok sa 2 snem, 9 bnai, bad 29 sngi, ong ki Pulit.
 ha East Khasi Hills kala hukum ban set along 3 snem ia u Abdul Khudus namar ka jingleh kynshlein ia ka khynnah ba 7 snem ha u 2015.){kind=link}