Shillong, Nailur 12 : Ka Iingkashari District, kala hukum ban set along haduh 8 snem ia u Se Phawa ba na Kyndong Tuber namar ka jingleh beijot ia kawei ka briew ha u snem 2008.
“Ha ka 9 tarik Nailur, 2024, ka Iingkashari u NA Khan, Session Judge, West Jaintia Hills, kala pynngat ia u Se Phawa ha ka kyndon 376 (1) IPC bad hukum ban set ia u haduh 8 snem ha along bad ai jingmut ruh ban siew bai lutksan ba T.2 lak sha ka lanot” ong u SP ka WJH ha ka kyrwoh bala pyllait hynne ka sngi Palei.
Ia kane ka kam leh beijot la register case ha Jowai Police Station. U Phawa ula leh beijot bad byrngem ia kane ka briew lada ka pyntip shano shano ia ka kam ba ula leh. Kane ka jingjia kala jia ha ka 14 tarik Nohprah, 2008.
