Nongstoin, Iaiong 08: Ka Iingkashari Special Judge (POCSO) ka West Khasi Hills, kala hukum ban set along haduh 20 snem ia ki arngut ki runar kiba jrong kti bad leh beijot ia ki arngut ki Khynnah kynthei ha ki artylli ki jingjia.
Uwei napdeng kine ki runar u dei u Welcome Thongni uba pyrshang ban leh beijot ia kawei ka khynnah kynthei ha u bnai Naiwieng 2019.
Kane ka case ka dei kaba la register ha Nongstoin Police Station halor ka ejahar ba 17/12/2019 ka sngi bala kem ruh ia une u runar. Ia une u runar la pynngat hapoh ka kyndon 9 (m) (n)/10 jong ka POCSO Act.
Ka Iingkashari hadien ka jingbishar ia ki sakhi satar, ha ka 19 tarik Lber, 2024, kala hukum ban set along haduh 20 snem ia u Welcome Thongni ha ryngkat ka kuna ba T.30,000 lane lai bnai ha along lada ym lah siew.
Uwei pat u runar u dei u Mebanrilang Syiem Shangoi uba donkti ban leh beijot ia iwei I khynnah kynthei ha u snem 2022.
Ia kane ka case la register ha Nongstoin Police Station hapoh ka kyndon 5(1)(m)/6 jong ka POCSO Act.
Ka Iingkashari hadien ka jingbishar ia ki sakhi satar, ha ka 19 tarik Lber 2024, kala hukum ban set along ia une u runar haduh 20 snem lem bad ka kuna ba T.50,000 lane shong lai bnai ha along lada ym lah siew ia ka pisa.
 ka West Khasi Hills, kala hukum ban set along haduh 20 snem ia ki arngut ki runar kiba jrong kti bad leh beijot ia ki arngut ki Khynnah kynthei ha ki artylli ki jingjia.){kind=link}