Shillong, Jylliew 03 : Ka Iingkashari Special Judge (POCSO) ka East Khasi Hills kong MK Lyngdoh, kala hukum ban set along haduh 20 snem ia uwei u runar uba la shah pynngat ha ki kyndon bapher bapher ka POCSO Act bad IPC namar ka jingleh beijot Khynnah.
Une u runar u kyrteng u Pynskhem Mawa uba la shah tian bishar kat kum ka Sohra Police Station case no 36 (10) 2020 hapoh ka kyndon 3(a)/4/5(1)/6/7/8/9/10 POCSO Act pule lang bad ka 354/354A/354B/375(sixthly)/376(2)(j)(n)/503/506 IPC.
Ka Iingkashari ha ka hukum ba pynmih ha ka 29 tarik Jymmang, kala hukum ban set 10 snem ia une u runar kat kum ka kyndon 4 jong ka POCSO bad 4 bnai lada ym lah siew ia ka kuna.
Ka Iingkashari kala hukum ruh ban set along 20 snem bad ka kuna ba T.50,000 kat kum ka kyndon 6 jong ka POCSO Act lem bad 6 bnai lada ym lah ban siew ia ka kuna.
Une u runar ula ngat ruh ban shong along sa 3 snem bad ka kun aba T.10,000 kat kum ka kyndon 8 jong ka POCSO Act lem bad 2 bnai lada ym lah siew kuna.
Ka Iingkashari kala hukum ban set 7 snem lem bad ka kuna ba T.20,0000 hapoh ka kyndon 10 jong ka POCSO Act lem bad 3 bnai lada ym lah siew ia ka kuna.
Ka Iingkashari kala hukum ruh ban set 2 snem bad ka kuna ba T.10,000 hapoh ka kyndon 506 IPC bad lada ym lah siew, un hap shong along sa 2 bnai.
Ia kane ka case la tohkit da ka WPSI V Diengdoh kaba don mynta ha Sohra Police Station.
 ka East Khasi Hills kong MK Lyngdoh, kala hukum ban set along haduh 20 snem ia uwei u runar uba la shah pynngat ha ki kyndon bapher bapher ka POCSO Act bad IPC namar ka jingleh beijot Khynnah.){kind=link}