Nongstoiñ, Jylliew 15: Ki ophisar ka Ministry of Development of North East India (DoNER) jong ka Sorkar pdeng ha ka sngi Balang, kila leit jngoh ia ka West Khasi Hills District ban shong bishar kam halor ka jingpyntreikam ia ki skhim kiba hap hapoh ka SAMBHAV (Saturation of model Blocks & Villages).
Kine ki Heh Ophisar ka DoNER ki kynthup ia ka Joint Secretary, ka Anuradha Chagti bad u Under Secretary, u Pankaj Sharma.
Kine ki Heh ka DoNER kila iakynduh ruh ia ki nongioh bynta ia ki skhim bad ruh ia ki Ophisar ban iaphylliew jingmut halor ka jingpyntreikam bha ia kane ka skhim hapoh ka District.
Hadien kane, kine ki Heh DoNER bala synran da u Deputy Commissioner ka District lem bad ki Ophisar, kila leit iuhkjat ha ka shnong Nongkhniang kaba hap hapoh Nongstoin Block bad kumjuh ruh ha shnong Riangdim kaba hap hapoh ka Mawshynrut Block.
Ha kane ka jingleit iuhkjat sha kine ki Shnong, kine ki Heh Ophisar kila ioh iakren bad iaphylliew bad ki paidbah halor ka jingpyntreikam ia ki skhim bapher bapher ka Sorkar Pdeng kiba kynthup naduh ka skhim Jal Jeevan Mission (JJM), Mid-Day Meal, Pradhan Mantri Awas Yojana (Gramin), PDS bad kiwei kiwei.
Nalor kine, kala don ruh ka jingiaphylliew jingmut ban pynjanai shuh shuh ia kiwei pat ki kam pynroi ha ka thain kiba kynthup ia ki lynti syngkien, ka pule ka dangle bad kiwei kiwei ki kam ki ban ai jingmyntoi ia ki nongshongshnong ka thain.
 jong ka Sorkar pdeng ha ka sngi Balang, kila leit jngoh ia ka West Khasi Hills District ban shong bishar kam halor ka jingpyntreikam ia ki skhim kiba hap hapoh ka SAMBHAV (Saturation of model Blocks & Villages).){kind=link}