Guwahati, Rymphang 06: Ka Enforcement Directorate (ED) kala pynlong ia ka jingkhynra ia ki Iingsah jong ki Ophisar Civil Service ba trei ha ki Block bapher bapher, kiba don ha kylleng ki jaka jong ka West Bengal halor ka jyrsieh MNREGA.
Ia kane ka jingkhynra la pynlong ha Salt Lake, Kolkata, Baharampur ha Murshidabad District , Chinsurah ha Hoogly District bad Sadar ha Jhargram District ka West Bengal.
Kat kum ka khubor, ka ED kala khynra ia ki Iingsah jong ki Ophisar ki Block ha baroh saw tylli ki District jong ka Jylla.
Kat kum ka khubor ba iajan bad ka ED, haba tohkit ia ka jyrsieh MNREGA ba 100 sngi, la shem ba bun ki kyrteng kila paw ba ki dei ki nongioh bynta ia ka skhim ha ki jingthoh hynrei ki dei pat ki briew ki bym ju trei ha ka scheme.
“Ki BDO ki dei ki nodal officer jong kane ka skhim, ka jingsuba hi ka long ia kine ki Ophisar ba ki lah ban donkti ha ka jingpyndonkam bakla ia kane ka pisa. Namar kane ka jyrsieh, ka Sorkar Pdeng kala pynsangeh ban ai song pisa sha ka Sorkar West Bengal hapoh ka scheme MNREGA mynta la arsnem” ong ka khubor.
Ka Myntri Rangbah ka West Bengal Mamta Banerjee kala kam ba kane ka pisa ba dei ban ioh ka West Bengal ka kot kumba T. 7 hajar klur.
Ban ioh ia kane ka pisa, ka Mamta kala pynlong ia ka jingiakhih ha Kolkata ha ka 2 bad 3 tarik Rymphang 2024, bad kane ka jingiakhih ka dang iaid haduh mynta.
 kala pynlong ia ka jingkhynra ia ki Iingsah jong ki Ophisar Civil Service ba trei ha ki Block bapher bapher, kiba don ha kylleng ki jaka jong ka West Bengal halor ka jyrsieh MNREGA.){kind=link}