Nongpoh, Naiwieng 14: U MLA ka Nongpoh Bah Mayralborn Syiem, hynne ka sngi Palei, ula leit jurip ïa ki jingtei bapher bapher ha ki 3 tylli ki Shnong ban pynthikna ba ka jingpyntreikam ia ki kam pynroi ha Nongpoh ki iaid beit iaid ryntih.
Kine ki shnong ki kynthup ia ka Mawdiang-Um, Pahamsyiem bad ha Nongpoh bad ki jingtei kiba la jurip ki kynthup ia ka surok iaid kali, ki nala um bad ki kynroh.
Ia kitei ki skhim pynroi la mang da ka tnad Urban Affairs lyngba ka Infrastructure Development (ID) naduh u snem 2018 ter ter haduh 2023.
Haba kren sha ki lad pathai khubor, u Bah Mayralborn Syiem U la ïathuh ba kane ka jingleit ban jurip ka long ban phaikhmat kyrpang ban tip ba ki jingpyntreikam ia kine ki skhim pynroi ki long kiba iaid beit khlem kano kano ka jingpynsahkut, ha kaba la lap pat ba ki jingtrei ki long kiba la pynhun kumba la mang ia ki na ka tnad tnad Urban Affair.
“Ki jingtei naduh ki surok, nala um bad ki kynroh ki long shisha kiba itynnad bad kiba skhem kumba la angnud ban pyntreihok ia kine ki skhim”, ong u Bah Mayral da kaba ai khublei kyrpang ruh ïaki ophisar ka tnad urban affair kiba la shim khia ban peit ba kine ki kam kin long kiba ïaid beit ïaid ryntih bad ia ki nongialam shnong kiba la pyntrei hok ia ki.
