Shillong, Risaw 26: U Lamphang ka iingdorbar thawaiñ ka jylla u Thomas A Sangma ula leit jurip ia ka Border Outpost Baghmara jongka 200 Bn BSF, South Garo Hills haka sngi Thohdieng.
Ha kane ka jingjurip la synran ia u Lamphang da ki heh ophisar ka sorkar jylla bad kane ka kynhun kala ioh ia ka jingbatai kaba bniah na u Vinod Yadav, Commandant jongka 200 Bn BSF, ha kaba iadei bad ka jingleit khynra, ka jingshem jingeh ki BSF bad ia ki jingjop ki shipai iada khappud haka rukom treikam ka jongki.
U Lamphang ula iakynduh bad iakren ruh bad ki shipai BSF, ha kaba ula pynpaw ia ka jingsngewnguh ia ka jingtrei shitom ka jongki met bad mynsiem ban iada ia ka thaiñ khappud.
Ula kyntu ia ki shipai BSF ba kin iai bteng ban ia ka jingtrei shitom ka jongki da ka jingkmen bad jingsngew sarong bad ula pynthikna ba ki paidbah ka jylla Meghalaya ki ieng ryngkat bad ki bad ki don ruh ia ka jingsngew sarong ia ki BSF.
