spot_img

Hiar jurip u DC bad NTC ia ka jaka bret niut ha Umshangling | Weng noh ka Shnong ia ka jingkhang dam halor ki kular

Date:

Share post:

Nongpoh, Jylliew 16 : U Deputy Commissioner ka Ri-Bhoi Abhilash Baranwal ryngkat ki Nongialam ka Nongpoh Town Committee (NTC) ha ka sngi Nyngkong, kila hiar jurip ia ka jaka bret niut ka sor Nongpoh ha Umshangling hadien ka jingkhang theh niut ka Dorbar Shnong Umshangling, kaba la iaid la san sngi kynthih.

Ka Dorbar Shnong Umshangling ha ka 11 tarik Jylliew, kala mih ban khang pyrshah ia ka jingwan theh niut ha kane ka jaka bret niut jong ka sor Nongpoh namar ka jingbret niut pathar, kaba wanrah ia ka jingsieng ka jingsma iwtung bad ka jingboi ki skain wat shaduh sha shnong sha thaw. Ia kane ka rai ka Dorbar Shnong Umshangling la kyrshan ruh da ka Synjuk ki Phra Shnong ka Pahamrioh Circle.

Namar ka jingsyrtok bad jingsdang kynton ki niut ha sor Nongpoh, u Deputy Commissioner ha ryngkat ka Nongpoh Town Committee, ha ka jingiadonlang u MLA Bah Mayralborn Syiem, kila hiar jurip ia kane ka jaka theh niut bad iakynduh ia ki nongkitkam ka shnong Umshangling bad ki phra Dorbar.

Ha kane ka jingiakynduh, u Deputy Commissioner ula ai ka jingkular ban pyntreikam ia ki14 tylli ki mat jingdawa jong ka Dorbar Shnong Umshangling ba kynthup ia ka jingshna pynbna noh ia ka surok ba pyniasoh sha katei ka jaka theh niut, ban pynkhuid ia ki jaboh bala bret pathar, bad buh arngutki nongap ki ban peit haba wan bret niut nalor kiwei kiwei.

Halor kane ka jingkular, na ka liang ka Dorbar Shnong Umshangling kala shim ia ka rai ban ailad biang ia ka jingwan theh niut ha kane ka jaka.

Share post:

spot_img
spot_img

Popular

More like this
Related

Bthah ka Iingkashari ban ai jingmut ia ki bor District ban iaid beit ka Yatra sha Krem Mawjymbuin

Shillong, Nailur 1 : Ka Iingkashari Meghalaya High Court...

Hukum ka Iingkashari POCSO ban set 7 snem ha phatok ia u nongleh beijot

Shillong, Naitung 31 : Ka Iingkashari ka Special Judge...

Ai khublei u Lat ia ka Ri-Bhoi kaba la jop ha ki lai bynta ka Aspirational District

Shillong, Naitung 31: Hynne ka sngi Palei, la pynlong...