Shillong Risaw 17: U Myntri Rangbah ka jylla u Conrad K Sangma ryngkat bad u Myntri ka Pule Puthi u Bah Lahkmen Rymbui, kila leit jurip kynsan hynne ka sngi nyngkong iaka skul Pine Mount hadien ba kila ioh iaka jingujor na kiba bun balang halor ka jinglong jingman haka katei ka skul.
Ha katei ka jingjurip la iadonlang u Chief Secretary ka jylla u Bah Donald P Wahlang, ki heh ophisar sorkar na ki tnad bapher, ha kaba kila leit jurip ia ki jaka sah ki khynnah, ki kamra pule, ka madan ialehkai, ka Auditorium bad kiwei kiwei.
U Conrad haba kren sha ki nongthoh khubor ula ong ba ka daw kaba la pynlong ia u ban leit jurip kadei hadien ba ki kmie ki kpa jong ki khynnah skul, ki paidbah bad ki samla pule barim ka Pine Mount kila pynpaw iaka jingsngewkhia halor ki mat ki bapher hapoh kane ka skul.
With concerns raised by students, parents & the public on the issues in Pine Mount School, Shillong, I personally went to inspect the School with @LahkmenR and spoke to the administration & the students to get a better perspective on what needs to be done@dpradhanbjp pic.twitter.com/bW3PS8l5r6
— Conrad Sangma (@SangmaConrad) October 17, 2022
Ula ong, daka jingwan peit hi dalade yn lah ban sngewthuh khambha khamtam haba kala don ka jingpynpaw ia ka jingsngewkhia halor ki jingdonkam jong ka skul khamtam iaki jaka leit bar.
U Conrad ula pyntip ba la bthah mynta ia ka Tnad ba dei khmih baka dei ban maramot ne shna pynbha ia ki jaka leit bar bad kiwei kiwei lada donkam ban maramot.
U Myntri Rangbah ula ong, ka jinglong jingman jong ka Hostel kam long satia kaba biang kumta dei ban tei thymmai noh ia kane ka jaka sah ki khynnah skul bad dei ban pyndep ha shwa ban long skul ha u snem ban wan. Ula pyntip ba ia mynta, ka Tnad kan dang wad ia ki lad ki lynti ban peit naka bynta ban pynbiang jaka sah ia ki khynnah pule.
Other administrative requirements like offices for staff and Principal will also be examined.
We will look into the different concerns to ensure we reform this premier institution that has been a pride of Shillong and Meghalaya for generations. pic.twitter.com/JU4Sc8CJQf
— Conrad Sangma (@SangmaConrad) October 17, 2022
Ha kaba iadei bad ka jingbym ioh pyndonkam ki khynnah skul ia ki jaka leit bar namar ba kila jaboh shaba palat, u Conrad ula ong, ka jingud jingnam jong ki khynnah ka long kaba kongsan bad ka tnad kan sa shim ia ki sienjam ban pynbeit ia kane bad dei ban maramnot noh.
Ha kaba iadei bad ka jingkynnoh ba kala don ka jingpyndonkam bakla iaka pisa, u Myntri Rangbah ula ong “Ka tnad kaba dei khmih kan sa khmih halor kane ka bynta bad kan sa ai iaka kaiphod”.
Halor jingdawa ban wengkam shipor iaka Kong Aiom Ksiar Diengdoh kum ka Principal, u Conrad ula ong ba ka jingtohkit halor ka kynrum kynram ha kane ka skul ka dang iaid shakhmat bad ka sorkar kan sa shim iaka sienjam hadien ba la iohpdiang iaka kaiphod.
