spot_img

Hiar jurip ka KSU ia ka rukom treikam ka Riangdo CHC ba ud palat ki paidbah

Date:

Share post:

Nongstoin, Naitung 19 : Ka Khasi Students Union (KSU)-Mawshynrut Circle ha ka sngi Balang, kala hiar jurip ia ka rukom ai jingshakri jong ka Riangdo CHC bad shem ia shibun ki jingduna ha kane ka jaka sumar ka Sorkar kiba iahap kat kum ki jingud jingnam jong ki paidbah ka thain.

Ia kane ka jingjurip la ialam da u General Secretary ka Seng samla Ulysis Ryntong ha ryngkat u Organising Secretary samla Anselm Ryntong bad u Asst Organising Secretary samla Korbarlang Marthong.

Kat kum ka kyrwoh, la pyntip ba ka kynhun kala hiar jurip ha ka por mynstep bad shen ba kat haduh ka por 10:30 baje, ym shym la don satia ki nongtrei ba wan trei ha jan baroh ki Tnad treikam bad dei tad ka por 11 baje ba kila ioh ban iakynduh ia u Medical Health Officer.

La iathuh ba ka seng kala lap ruh ia shibun ki jingduna ha kane ka jaka sumar ka Sorkar kynthup naduh ki dawai dashin. La ong ba kane ka jaka sumar kam don satia wat ia ki dawai BP, shini, insulin, drip, dawai khunung bad ki tiar sumar naduh ki gloves, syringe, matress, ki jingthiah bad kiwei kiwei. Ka KSU ka pyntip ruh ba ka jingdon ki nos ruh ka duna sa kumba lai ngut, u choukidar sa uwei.

Ka KSU ka pyntip ba na ka liang u Medical & Health Officer ula ai ka jingkular ba un sa pyniaid ryntih noh ia kane ka jaka sumar bad ban pynjanai lut ia ki kam naduh ia ki nongtrei, ka jingkhuid, ka ban bad ka riam ka beit jong ki Nongtrei baroh.

Halor kine ki jingshem baroh, ka KSU Mawshyntur Circle kala kyntu ia ka Sorkar ba ka dei ban phaikhmat ban shimkhia lang ha kaban pynbiang ia ki jingdonkam jong kane ka jaka sumar ba hehduh ha ka thain khnang ba kan lah ban ai ka jing shakri ba bha tam sha ki paidbah ka thain.

Ha kajuh ka por, ka Seng kala kyntu ruh ia u MLA ba un buddien ia kane ka kam bad ka Sorkar ban weng noh ia ki jingeh jong u paidbah.

Share post:

spot_img
spot_img

Popular

More like this
Related

Assam records sharp decline in crime, surge in convictions: CM Sarma

Guwahati, Aug 29: Assam Chief Minister Himanta Biswa Sarma...

Kynnoh thmu leh beijot u Pulit Assam ia iwei i khynnah ha shnong khappud Ri-Bhoi

Nongpoh, Nailar 28 : Uwei u Pulit Assam la...

Ujor ki kynhun ka WKH sha u DC ba iai kyntur pud ka Assam ha Langpih

Nongstoin, Nailar 28 : Ki kynhun bapher bapher ka...

Shillong Premier League | Pynliem ka Nangkiew Irat da 5-1 kol ia ka Sawmer

Shillong, Nailar 28: Ka Nangkiew Irat kala pynrem ia...