Shillong, Nailar 03 : Ka kynhun ki samla kiba la pass ia ka eksam MCS (Prelims) bad kiba la paw kyrteng ha ka thup ki 580 ngut ki kyrtng, kila kynnoh ba ka Khun jong u Secretary ka Meghalaya Public Service Commission (MPSC) ka dei kawei na kiba pyrshah ia ka jingdawa ka Khasi Students Union (KSU) ban pyllait paidbah ia ki marks ba ioh da baroh ki samla ba iakhun ia ka eksam MCS.
Ha ka shithi bala phah sha ka KSU, ka kynhun ki samla ki bym kwah pynpaw kyrteng namar ka jingshngain, kila ong “Hadien ba iohi ia ka khubor ba ka Seng kala iakhun pyrshah ia ki jingleh bym hok jong ka MPSC ha ka eksam MCS, ngi la iaroh bha ia ki sienjam ba phi la shim halor ki jingleh bym dei ha ka jingjied ia ki MCS hapoh Meghalaya”.
“Ngi kwah ban pynpaw sha phi ba ha ka thup kaba ar bala pynmih da ka MPSC hadien ka jingshem ia ki jingbakla kumba kam da ka MPSC, ka don kawei ka kyrtong…kaba dei ka Khun jong u Secretary ka MPSC, kaba dei ruh kawei na kiba pyr shah ia ka jingdawa ka seng (KSU) ban pyllait paidbah ia ki marks ba la ioh da baroh ki kyrtong kiba iakhun ia ka prelims bala pynlong ha u snem bala lah. Ka dei kawei na ki 6 ngut ki kyrtong kiba la soi ia ka shithi ban pyrshah ia ka jingdawa jong ka Seng ban pyllait paidbah ia ki marks” kila kam.
Kine ki kynhun kila kynnoh ruh “Ngi kwah ban iathuh ruh ha phi ba ka Khun u Secretary kala shah jied ha ka kam LDA bala pynlong da ka MPSC ia kaba ka result la dep pynbna ha u bnai Naitung, kane ka pyni ia ka jingsuhthied ka kam jied bahaiing ha ka rukom thungkam hapoh ka MPSC”.
“Kumta, ngi kyrpad ia phi ban leh eiei halor kane khnang ban pynthikna ba kan don ka jingleh shai ha ka jingjied ia ki MCS ba mynta bad ki ban dang wan. Ngi kyrmen ba phin dang bteng ban iakhun bad ban pynkut ia baroh ki jingthungkam shuwa iala ki bahaiing” kila ong bad bynrap “Ka jingiakhun jong phi kan dei ka sharak jong ka jingkyrmen ia ngi kiba angnud ki bym don jingiadei badno bad no ruh kiba trei ha MPSC hynrei ba kwah har har ban long ki Nongtrei Civil Service ban shakri ia ka Jylla”.
Kila kyrpad ruh ia ka seng (KSU) ban shim ia kane ka shithi kum kaba kongsan bha namar kan iarap ia ka Union ban sei madan ia ka jyrsieh hapoh ka MPSC.
 bad kiba la paw kyrteng ha ka thup ki 580 ngut ki kyrtng, kila kynnoh ba ka Khun jong u Secretary ka Meghalaya Public Service Commission (MPSC) ka dei kawei na kiba pyrshah ia ka jingdawa ka Khasi Students Union (KSU) ban pyllait paidbah ia ki marks ba ioh da baroh ki samla ba iakhun ia ka eksam MCS.){kind=link}